(ጥር 19/2017 ዓ.ም) የአዲስ አበባ ከተማ አስተዳደር ትምህርት ቢሮ የሰኞ ማለዳ ከስራ ሰዓት መግቢያ በፊት የሚያዘጋጀው የሰራተኞች የዕውቀት ሽግግር መርሀ ግብር የተካሄደ ሲሆን በመድረኩ የአዲስ አበባ ከተማ አስተዳደር ትምህርት ቢሮ ሀላፊ ዶ/ር ዘላለም ሙላቱ ፣ ማኔጅመንት አባላትና የትምህርት ቢሮ ሰራተኞች ተሳታፊ ሆነዋል።

በመርሀ ግብሩ ላይ የአዲስ አበባ ከተማ አስተዳደር ትምህርት ቢሮ የግንባታ ክትትልና ድጋፍ ቡድን መሪ አቶ ሙሉነህ ተክለብርሃን የመሬት መንቀጥቀጥ ፣ ከህንጻዎች ደህንነትና በመሬት መንቀጥቀጥ ወቅት መደረግ ሰለሚገባቸው ጥንቃቄዎችን የተመለከተ ሰነድ በማቅረብ እውቀታቸውን ያካፈሉ ሲሆን በመድረኩ ማጠቃለያ የአዲስ አበባ ከተማ አስተዳደር ትምህርት ቢሮ ሀላፊ ዶ/ር ዘላለም ሙላቱ የቀረበው ሰነድ ወቅታዊ ጉዳይ ላይ መሰረት ያደገ መሆኑን በመጥቀስ የመሬት መንቀጥቀጥ በሚከሰትበት ወቅት መደረገ የሚገባቸዉ ጥንቃቄዎችን በደንብ ማወቅና መተግበር መቻል እራሳችንን ከአደጋ ለመጠበቅ የሚያግዝ በመሆኑ ባለሙያዎች የሚሰጡትን ምክሮች መውሰድ ይገባል ብለዋል፡፡