(ጥር 17/2017 ዓ.ም) የአሰልጣኞች ስልጠናው ከየትምህርት ቤቱ ለተውጣጡ የአይ ሲቲ መምህራን እየተሰጠ የሚገኝ ሲሆን መርሀግብሩም በሁሉም ክፍለ ከተሞች በተዘጋጁ 11 የስልጠና ጣቢያዎች ነው እየተሰጠ የሚገኘው።

የአዲስ አበባ ከተማ አስተዳደር ትምህርት ቢሮ የኢንፎርሜሽን ቴክኖሎጂ ልማትና ማስፋፋት ዳይሬክቶሬት ዳይሬክተር አቶ ደረጀ ዳኜ ከኢንፎርሜሽን ቴክኖሎጂ መሰረተ ልማትና ዝርጋታ ቡድን መሪ ከሆኑት ከአቶ ሚካኤል መስፍን ጋር በመሆን የስልጠናውን የሁለተኛ ቀን ውሎ በመዘዋወር ተመልክተዋል።

የአሰልጣኞች ስልጠናው በትላንትናው እለት ከኢ-ስኩል ሲስተም ጋር በተገናኘ በንድፈ ሀሳብ ታግዞ ሲሰጥ መቆየቱን የኢንፎርሜሽን ቴክኖሎጂ ልማትና ማስፋፋት ዳይሬክቶሬት ዳይሬክተር አቶ ደረጀ ዳኜ ጠቁመው መርሀ ግብሩ ከዛሬ ጀምሮ በተግባር ተደግፎ እንደሚሰጥ በመግለጽ መርሀግብሩ ያለምንም ችግር በተያዘለት ፕሮግራም መሰረት እየተሰጠ መሆኑን በምልከታው ማረጋገጣቸውን አስታውቀዋል።

የአሰልጣኞች ስልጠናውን በመውሰድ ላይ የሚገኙት የአይ ሲቲ መምህራን በቀጣይ በየትምህርት ቤቶቻቸው ለሚገኙ ሌሎች መምህራን በተመሳሳይ በሲስተሙ ዙሪያ የግንዛቤ ማስጨበጫ ስልጠና እንደሚሰጡ አቶ ደረጀ ገልጸዋል።