(ጥር 5/2017 ዓ.ም) የአዲስ አበባ ከተማ አስተዳደር ትምህርት ቢሮ የሰኞ ማለዳ ከስራ ሰዓት መግቢያ በፊት የሚያዘጋጀው የሰራተኞች የዕውቀት ሽግግር መርሀ ግብር የ2017 የትምህርት ዘመን የ6 ወራት የእውቀት ሽግግር እቅድ አፈጻጸም ሪፖርት በዛሬው ዕለት የተገመገመ ሲሆን በመድረኩ የአዲስ አበባ ከተማ አስተዳደር ትምህርት ቢሮ ማኔጅመንት አባላትና ሰራተኞች ተሳታፊ ሆነዋል።

በመርሀ ግብሩ ላይ የሪፎርምና አገልግሎት አሰጣጥ ክትትል ድጋፍና ምዘና ቡድን መሪ አቶ ፈንታሁን እያዩ የ2017 የትምህርት ዘመን የ6 ወራት የእውቀት ሽግግር መርሀ ግብርን እቅድ አፈጻጸም ሪፖርትን አቅርበው ውይይት የተካሄደ ሲሆን በመድረኩ ማጠቃለያ የአዲስ አበባ ከተማ አስተዳደር ትምህርት ቢሮ ሀላፊ ተወካይና የቢሮ ምክትል ቢሮ ሀላፊ አቶ አሊ ከማል የዕውቀት ሽግግር መድረኩ የተቋሙን ራዕይ ተልዕኮና እሴቶች ለማሳካት አቅም በመሆን እያገለገለ እንደሚገኝ ጠቅሰው መድረኩ ከቢሮ ጀምሮ በመዋቅሩ እስከ ትምህርት ቤት ድረስ ተጠናክሮ እንዲቀጥል በትኩረት እየተሰራ መሆን ተናግረዋል፡