ቀን 6/4/2014 ዓ.ም

በ79.2 ሚሊየን ብር ወጪ የተደረገባቸዉ የተማሪዎች መጸዳጃ ቤቶች ተመረቁ፡፡

የመጸዳጃ ቤቶቹ በ10 ትምህርት ቤቶች ለወንድና ሴት ተማሪዎች ምቹ በሆነ መልኩ የተገነቡ ሲሆን ወደ 79.2 ሚሊየን ብር የሚገመት ገንዘብ ወጪ ሆኖባቸዋል።

በመጸዳጃ ቤት ምርቃት መርሀ ግብሩ ንፋስ ስልክ ላፍቶ ክፍለ ከተማ በሚገኘው መጋቢት 28 አንደኛ ደረጃ ትምህርት ቤት የተካሄደ ሲሆን በመድረኩ የተገኙት የአዲስ አበባ ከተማ አስተዳደር ትምህርት ቢሮ ምክትል ቢሮ ኃላፊ አቶ አድማሱ ደቻሳ እንዳስታወቁት ለመማር ማስተማር ተግባሩ ምቹ ሁኔታ ለመፍጠር በማሰብ በ10 ትምህርት ቤቶች ደረጃቸውን የጠበቁ የመጸዳጃ ቤቶችን በ79.2 ሚሊየን ብር ወጪ ለገነባው ኢጣሊያን ኤጀንሲ ፎር ዲቭሎፕመንት ኮኦፕሬሽን እና አጋሮቹ ምስጋና አቅርበው ግንባታዎቹ በኢትዮጵያና በጣሊያን መንግስታት መካከል ጠንካራ ወዳጅነት መኖሩን የሚያሳይ መሆኑን በመጥቀስ በከተማ አስተዳደሩ በሚገኙ ሌሎች ትምህርት ቤቶችም መሰል ፕሮጀክቶችን በመገንባት አጋርነታቸውን እንደሚያስቀጥሉ እምነታቸው እንደሆነም አስረድተዋል።

የኢጣልያን ኤጀንሲ ፎር ዲቭሎፕመንት ኮኦፕሬሽንን በመወከል ንግግር ያደረጉት ሚስ ኤልሳቤላ ባስተላለፉት መልዕክት በትምህርት ቤቶች ደረጃቸውን የጠበቁ መጸዳጃ ቤቶች መገንባታቸው ለተማሪዎች ጤና እና ንጽህና መጠበቅ አስተዋጽኣቸው ከፍተኛ መሆኑን በመገንዘብ ድርጅታቸው መጸዳጃ ቤቶቹን መገንባቱን ገልጸው ግንባታዎቹ ለአካል ጉዳተኛ ተማሪዎችም እንዲመቹ ተደርገው መገንባታቸውን አስገንዝበዋል።

በምረቃ መርሀ ግብሩ የከንቲባ ጽህፈት ቤት ተወካይ ወይዘሮ ሜቲ ታምራት ፣ የንፋስ ስልክ ላፍቶ ክፍለ ከተማ ትምህርት ጽህፈት ቤት ሀላፊ አቶ አደፍርስ ኮራን ጨምሮ መምህራንና ሌሎች ጥሪ የተደረገላቸው እንግዶች ተገኝተዋል።

አካባቢያችንን #እንጠብቅ

ወደ ግንባር #እንዝመት

መከላከያን #እንደግፍ

ከደጀን እስከ ግንባር ከኢትዮጵያ ሰራዊት ጎን ነን!

Like
Like Love Haha Wow Sad Angry