ENGLISH                                                                                                                                                              የዌብሜይል     መልዕክት ይላኩልን



የአዲስ አምባ የመ/ደ/ት/ቤት መምህራንና አመራሮች ለአቅመ ደካማ ወላጆች ማዕድ የማጋራት መርሀ ግብር አካሄዱ፡፡

በንፋስ ስልክ ላፍቶ ክፍለ ከተማ ወረዳ 9 የሚገኘው አዲስ አምባ የመጀመሪያ ደረጃ ትምህርት ቤት መምህራንና አመራሮች የተለያዩ አካላትን በማስተባበር በአከባቢው ለሚገኙ አቅመ ደካማ ወላጆች ማዕድ የማጋራት

መርሀ ግብር አካሄዱ፡፡

በመርሀ ግብሩ መክፈቻ የንፋስ ስልክ ላፍቶ ክፍለ ከተማ ዋና ስራ አስፈጻሚ አቶ ፍቃዱ ካሳሁን ባስተላለፉት መልዕክት የአዲስ አምባ የመጀመሪያ ደረጃ ትምህርት ቤት መምህራንና አመራሮች ተማሪዎች በቤታቸው ሆነው ትምህርታቸውን ያለ ምንም ዕንከን እንዲከታተሉ ለማስቻል ለወላጆች ይህንን ድጋፍ ማድረጋቸው በአስቸጋሪ ሁኔታ ውስጥ የመደጋገፍ ባህላችን ጠንካራ መሆኑን እነደሚያሳይ ጠቁመው ክፍለ ከተማው መሰል ማዕድ የማካፈል መርሀ ግብሮችን በሌሎች ወረዳዎችም አጠናክሮ እንደሚቀጥል ነው ያስገንዝበዋል፡፡

የአዲስ አበባ ከተማ አስተዳደር ትምህርት ቢሮ ምክትል ቢሮ ኃላፊ አቶ አዲሱ ሻንቆ በበኩላቸው ኢትዮጵያውያን የተለያዩ ችግሮች ሲያጋጥሙን በመደጋገፍ የማለፍ ጠንካራ ባህል ያለን ህዝቦች እንደመሆናችን የአዲስ አምባ የመጀመሪያ ደረጃ ትምህርት ቤት መምህራንም ሆኑ አመራሮች በዛሬው ዕለት ያከናወኑት ተግባር ይህንኑ በጎ እሴታችንን የሚያሳይ መሆኑን በመግለጽ በንፋስ ስልክ ላፍቶ ክፍለ ከተማ እየተከናወኑ ያሉ አቅመ ደካማ ወገኖችን የመርዳት ስራዎች ለሌሎች አርአያ እንደሚሆኑ ጠቅሰው ወላጆች በአሁኑ ጊዜ በአዲስ አበባ ከተማ ትምህርት ቢሮ አስተባባሪነት ትምህርት በቤቴ በሚል የሚተላለፈውን የቴሌቪዥንና የሬዲዮ ትምህርት ልጆቻቸው በአግባቡ እንዲማሩ ክትትል ማድረግ እንዳለባቸውም አስገንዝዋል፡፡

በተመሳሳይ በክፍለ ከተማው የወረዳ 9 አመራሮች ከግል ኪሳቸው በማዋጣት በአንድ አቅመ ደካማ ግለሰብ ቤት በመገኘት የረመዳን ጾምን አስመልክቶ የበግ ስጦታ አበርክተዋል፡፡

 

 

ድጋሚ የ6ኛ እና 8ኛ ክፍል የትምህርት ማስረጃ አገልግሎት ለማግኝት መሟላት የሚገባቸው ቅድመ ሁኔታዎች


  • ማንነትን የሚገልጽ ህጋዊ መታወቂያ ይዞ መቅረብ
  • ባለሙያው የሚሰጠውን ቅጽ መሙላት
  • ከአንድ ዓመት ወዲህ የተነሱትን 3×4 የሆነ ፎቶ ግራፍ
  • ጠያቂው ወይም ህጋዊ ወኪል በአካል መቅረብ ይገባዋል
  • ከላይ የተገለጹት ቅድመ ሁኔታዎች ከተሟሉ 25.00 ብር በመክፈል አገልግሎቱን ማግኘት ይቻላል

የአቻ ግመታ አገልግሎት ለማግኘት መሟላት የሚገባቸው ቅድመ ሁኔታዎች


  • የትምህርት መረጃውን በተማሩበት አገር የትምህርት ሚኒስቴር የትምህርት ቦርድ ወይም District of education /council/ በጀርባው ላይ የባለስልጣኑ ስም፣ ቲተርና ማህተም እንዲሁም በተማሩበት ሀገር ውጭ ጉዳይ ሚኒስቴር ማህተምና ፊርማ የተረጋገጠ መሆን አለበት ፡፡
  • የትምህርት መረጃው ከእንግሊዘኛ ቋንቋ ውጪ የተጻፈ ከሆነ በኢትዮጵያ ህጋዊ መተርጎም ፈቃድ ባላቸው ድርጅቶች የተተረጎመና በተርጓሚው ድርጅት ማህተም የተረጋገጠ መሆን ይገባዋል ፡፡
  • በትምህርት መረጃው የፈተና ውጤቶች በፊደል ወይም በቁጥር ከተሰጡ ምን ማለት እንደሆነ አቻ መገለጫ ያለው መሆን አለበት
  • የትምህርት መረጃና የሌሎች ማስረጃዎች ዋናና አንዳንድ ፎቶ ኮፒ መቅረብ አለበት
  • መረጃ ጠያቂው ወይም ህጋዊ ወኪል በአካል መቅረብ ይኖርበታል
  • ከላይ የተገለጹት ቅድመ ሁኔታዎች ከተሟሉ 50.00 ብር በመክፈል አገልግሎቱን ማግኘት ይቻላል ፡፡
የመም/ሙያ ፈቃድ አሰጣጥና እድሳት

የሙያ ፈቃድ አሰጣጥና እድሳት ሂደት በትምህርት ሥርዓቱ ውስጥ ያሉና ወደ ስርዓቱ የሚገቡ መምህራን፣ ርምመምህራንና ሱፐርቫይዘሮች ሙያው የሚጠይቀውን የብቃትና የስነ ምግባር ደረጀ ያሟሉ እንዲሆኑ፣ ሥርዓት ለመዘርጋት የሚያስችል ነው፡፡
…ሙሉ ጽሁፉን ለማንበብ እዚህ ይጫኑ…

አገር አቀፍ የርዕሰ መምህራን ሙያዊ ብቃት ስታንዳርድ—ዳዎንሎድ ለማድረግ እዚህ ይጫኑ

የትምህርት ቤት ሱፐርቫይዘሮች ሙያዊ ብቃት ስታንዳርድ—ዳዎንሎድ ለማድረግ እዚህ ይጫኑ

የFM 94.7 ያለፉ ፕሮግራሞችን ያድመጡ

ኡሁን እየተደመጠ ያለዉ :

ዕዉቀት መፅሔት

በአዲስ አበባ ከተማ አስተዳደር ትምህርት ቢሮ ስር በየወሩ የምትታተም መፅሔት

ቅጽ 4 ቁጥር 10 የነሐሴ 2008 ዓ.ም እትም