ENGLISH                                                                                                                                                              የዌብሜይል     መልዕክት ይላኩልን



የሙያ ፈቃድ መርሆች

የሙያ ፈቃድ አሰጣጥና እድሳት

የሙያ ፈቃድ አሰጣጥና እድሳት ሂደት በትምህርት ሥርዓቱ ውስጥ ያሉና ወደ ስርዓቱ የሚገቡ መምህራን፣ ርምመምህራንና ሱፐርቫይዘሮች ሙያው የሚጠይቀውን የብቃትና የስነ ምግባር ደረጀ ያሟሉ እንዲሆኑ፣ ሥርዓት ለመዘርጋት የሚያስችል ነው፡፡ እንዲሁም የህብረተሰቡንና የተማሪዎችን ፍላጐት መሰረት በማድረግ የሙያ ኃላፊነታቸውን እንዲወጡ፣ እንዲሁም ለጥረቶቻቸው ተገቢውን የማበረታቻ ሥርዓት ለመዘርጋት የሚያስችል ነው፡፡ ይህ ሥርዓት በሙያው በማገልገል ላይ ያሉና አዲስ የሚቀጠሩ መምህራን፣ ር/መምህራንና ሱፐርቫይዘሮች የሙያ ፈቃድ የሚያገኙበትና የሚያድሱበት ነው፡፡ የአሰጣጥ ሂደቱም በአራት የሙያ ፈቃድ ዓይነቶችና የዕድሳት ደረጃዎች ይሆናል፡፡

የመጀመሪያ የሙያ ፈቃድ   (Initial Professional License)

በዚህ የሙያ ፈቃድ ዓይነት የሚሳተፉ መምህራን በመምህርነት ሙያ ሰልጥነው፣ እንዲሁም በጊዜያዊ የሙያ ፈቃድ ሲያገለግሉ ለቆዩና በሙያው ለመቀጠል ለጠየቁ ፈቃድ ሰጪው አካል የሚሰጠውን መመዘኛ ላሟሉ ጀማሪ መምህራን የሚሰጥ ነው፡፡ በሌላ በኩል በር/መምህርነትና በሱፐርቫይዘርነት ሙያ ላይ ለመሰማራት በ2ዐዐዐ ዓ.ም. በወጣው የስራና የደረጃ እድገት መመሪያ መሠረት የተመለመሉ ሆነው ከዚያ በፊት ከአፀደ ህፃናት እስከ መሰናዶ ት/ቤቶች በመምህርነት ሙያ ያገለገሉና በጊዜያዊ የሙያ ፈቃድ ሲሰሩ ቆይተው ደረጃው የሚያስፈልገውን የብቃት ደረጃ በማሟላት የመጀመሪያ የሙያ ፈቃድ የማያስገኝ ስርዓት ነው፡፡ ለመምህራንም ሆነ  ለር/መምህራንና ለሱፐርቫይዘሮች የመጀመሪያ የሙያ ፈቃዱ የቆይታ ጊዜ ሁለት ዓመት ብቻ ሲሆን የማይታደስ ነው፡፡

ሙሉ የሙያ ፈቃድ (Full Professional License)

ይህ ፈቃድ የመጀመሪያ የሙያ ፈቃድ በመያዝ ሲሰሩ ቆይተው በተገቢው መንገድ ያጠናቀቁ መምህራን፣ ር/መምህራንና ሱፐርቫይዘሮች ፈቃዱን ለማግኘት በማመልከት ፈቃድ ሰጪው አካል የሚሰጠውን መመዘኛ ሲያሟሉ የሚሰጥ ፈቃድ ሲሆን በየሶስት ዓመት ለ4 ጊዜ የሚታደስ ነው፡፡

ቋሚ የሙያ ፈቃድ (Permanent License)

ይህ ፈቃድ ሙሉ የሙያ ፈቃድ ያላቸው ለ4 ተከታታይ ዓመታት ጊዜያት የሚደረገውን የእድሳት ጊዜ አጠናቀው ፈቃድን ለማግኘት ለመለካቱ መምህራን፣ ር/መምህራንና ሱፐርቫይዘሮች ፈቃድ ሰጪው አካል የሚሰጠውን መመዘኛ ሲያሟሉ የሚሰጥ ፈቃድ ሲሆን፣ በየ5 ዓመት ለ2 ጊዜ የሚታየስ ይሆናል፡፡

ጊያዜያዊ የሙያ ፈቃድ

ይህ የሙያ ፈቃድ የሚያስተምሩበት የትምህርት ዓይነት የመጀመሪያ ዲግሪና ከዚያ በላይ ኖሯቸው ነገር ግን በሁለተኛ ደረጃ ት/ቤቶችና ለኮሌጅ የመምህርነት ሙያ ስልጠና ሳይወስዱ በመምህርነት እንዲያገለግሉ ለተመደቡ መምህራን ለ2 ዓመት እንዲያገለግል በጊዜያዊነት የሚሰጥ ፈቃድ ነው፡፡ በዚህ ደረጃ በመምህርነት ሙያ ለማገልግል የተሰማሩ ባለሙያዎች በስራው ላይ እያሉ የመምህርነት ሙያ ስልጠና ወስደው ማጠናቀቅ ይጠበቅባቸዋል፡፡ የጊዜያዊ የሙያ ፈቃድ ቆይታ 2 ዓመት ሲሆን፣  የማይታደስ ነው፡፡

በዚህ ላይ ግን ከአፀደ ሕፃናት እስከ መሰናዶ ት/ቤቶች በመምህርነት ሙያ ሲያገለግሉ ቆይተው  በ2000 ዓ.ም. በወጣው የር/መምህራንና የሱፐርቫይዘሮች የስራና የደረጃ እድገት መመሪያ መሠረት ተመልምለው በስራው ላይ ለሚመደቡ ለ2 ዓመት በጊዜያዊነት የሚሰጥ እንደሆነ መረዳት ይገባል፡፡

የሙያ ፈቃድ መስጫና ማደሻ ስታንዳርድ

የመምህራን የሙያ ፈቃድና እድሳት መስጫና ስታንዳርድ

  • የአካዳሚያዊና የሙያ ብቃት መመዘኛ ስታንዳርዶች
  • የመምህራን ሙያዊ ተዋጽዎች መመዘኛ ስታንዳርዶች
  • ማህደረ ተግባር (Portfolio) ስታንዳርዶች
  • ተግባራዊ ጥናት (action research) ሥራ መመዘኛ ስታንዳርድ
  • የአማካሪ (mentoring) ሥራ መመዘኛ ስታንዳርዶች ናቸው፡፡

የርዕሰ መምህራንና የሱፐርቫይዘሮች መስጫ ስታንዳርድ

  • የአካዳሚያዊ፣ ሙያዊ እውቀትና ክህሎት መመዘኛ ስታንዳርድ
  • ሙያዊ ተዋጽኦዎች መመዘኛ ስታንዳርዶች
  • የማህደረ ተግባር (portfolio) መመዘኛ ስታንዳርድ
  • ተግባራዊ ጥናት (action research) መመዘኛ ስታንዳርድ ናቸው፡፡

የመርሱ ሙያ ፈቃድና ዕድሳት አቅጣጫ (Scenario)

አራት የሙያ ፈቃድ ዓይነቶች ተዘጋጅተዋል፡፡

  • የመጀመሪያ የሙያ ፈቃድ ———————አይታደስም
  • ሙሉ የሙያ ፈቃድ —————————4 ጊዜ ይታደሳል
  • ቋሚ የሙያ ፈቃድ —————————2 ጊዜ ይታደሳል
  • ጊዜያዊ የሙያ ፈቃድ ————————-አይታደስም