የለውጥና መልካም አስተዳደር ዳይሬክቶሬት ለተቋሙ ሰራተኞች ስልጠና በመስጠት ላይ መሆኑን አሳወቀ፡፡

by | ዜና

(አዲስ አበባ ህዳር 24/2016 ዓ.ም) የአዲስ አበባ ከተማ አስተዳደር ትምህርት ቢሮ የለውጥና መልካም አስተዳደር ዳይሬክቶሬት ቀደም ሲል በፐብሊክ ሰርቪስና የሰው ሃብት ልማት ቢሮ በተሰጠው የአሰልጣኞች ስልጠና መሰረት ለቢሮው ዳይሬክቶሬቶች ፤ ቡድን መሪዎች ፤ ለከፍተኛ ባለሙያዎችና ሰራተኞች የ5 ቀናት ስልጠና መስጠት ጀምሯል፡፡

ስልጠናው በእውቀት አስተዳደር ፤በተቋም ባህል ግንባታና ዜጋ ተኮር አገልግሎት እንዲሁም ሊደርሺፕ ላይ የሚሰጥ ሲሆን በተቋሙ የሚገኙ ዳይሬክቶሬቶችና ቡድን መሪዎች ያላቸውን የመምራት አቅም የሚያጎለብት፤ በቷቋም ላይ የሚሰጡ አገልግሎቶችም ተገልጋይ ተኮር እንዲሆኑና ሰልጣኞችም በዚህ አቅም እንዲመሩ የሚያስችል ከመሆኑ ባሻገር ለውጥን የሚቀበል ተባባሪና ዜጋ የሚያከብር ሰራተኛ በተቋም መገንባት እንዲችሉ ትልቅ ሚና እንደሚኖረው ተገልጻል፡፡

የአዲስ አበባ ከተማ አስተዳደር የለውጥና መልካም አስተዳደር ዳይሬክቶሬት ዳይሬክተር አቶ ዳዊት ከበደ በስልጠናው መክፈቻ ንግግራቸው እንዳሉት   ስልጠናው ለተቋም የተግባር ውጤታማነት ቁልፍ መሳሪያ መሆኑንና ተሳታፊዎች ያላቸውን ችሎታ በተገቢ ሁኔታ መጠቀም እንዲችሉ አቅም ይፈጥራል በማለት አብራርተዋል፡፡

አቶ ዳዊት አያይዘውም በተቋሙ ለሚገኙ ከፍተኛ ባለሞያዎችና ሰራተኞች ተገልጋይ ተኮር አገልግሎት አሰጣጥ ፤የኮሚዩኒኬሽን ክህሎት ማዳበር የሚያስችልና የስሜት ብልህነትና የስራ ላይ ስነምግባር ላይ ትኩረት ያደረገ ስልጠና እየተሰጠ እንደሆነ ገልጸው ፤  በስልጠናው የሚሳተፉ አካላትም ከሌሎች የተቋሙ አካላትም ሆነ ከባለጉዳዮች ጋር በቂ የተግባቦት ችሎታን የሚያዳብር እንዲሁም በስነምግባርና በስሜት ብልህነት ስራን ማከናወን እንዲችሉ የሚያግዝ እንደሆነ  ተረድተው ስልጠናውን  በንቃት እንዲካፈሉ አሳስበዋል፡፡

0 Comments

Submit a Comment

Your email address will not be published. Required fields are marked *

SITE VISITORS

  • 0
  • 30
  • 222
  • 1,584
  • 6,364
  • 214,625
  • 214,625