የለውጥና መልካም አስተዳደር ዳይሬክቶሬት ለክፍለ ከተማ ት/ጵ/ቤቶች ድጋፍና ክትትል ለሚያደርጉ ባለሙያዎች ኦረንቴሽን ሰጠ፡፡

by | ዜና

(አዲስ አበባ ታህሳስ 3 ቀን 2016 ዓ.ም) ኦረንቴሽኑ በ11ዱ ክፍለ ከተሞች በሚገኙ ትምህርት ጽ/ቤቶች የ2016 የትምህርት ዘመን የመልካም አስተዳደርና አገልግሎት አሰጣጥ ያለበትን ሁኔታ ለመገምገም ለተመረጡ የክትትልና ድጋፍ ባለሙያዎች ተሰጥቷል፡፡

በእለቱ ለድጋፍና ክትትል ቡድኑ የስራ መመሪያ የሠጡት የቢሮ ሃላፊ አማካሪ ወ/ሮ አበበች ነጋሽ እንዳሉት የድጋፍና ክትትል ሂደቱ መደበኛ ስራን በመስራት ሂደት የሚያጋጥሙ ተግዳሮቶችን በመለየት ተገልጋይ ተኮር አገልግሎት አሰጣጥና መልካም አስተዳደር  ከማስፈን አንጻር ትምህርት ጽ/ቤቶች ያሉበትን ደረጃ ለማወቅ ያስችላል ብለዋል፡፡

ድጋፍና ክትትል ማድረጉ ግብ አይደለም ያሉት አማካሪዋ እስከታች በሚደረገው ክትትልና ድጋፍ ባለሙያንና የትምህርት አመራሩን ከማንቃት ባለፈ የምናገኘውን የተሻለ አገልግሎት አሰጣጥና መልካም አስተዳደር በመገምገም የሚፈለገው ስኬት ላይ መድረሱን የምናይበትና ለቀጣይ ስራችን የተሻለ ግብአት የምናገኝበት ይሆናል ብለዋል፤ አያይዘውም የክትትልና ድጋፍ ቡድኑ በተቀመጠው ቼክሊስት መሰረት በተመደቡበት ቦታ ስኬታማ የሆነ ስራ እንዲሰሩ አሳስበዋል፡፡

የለውጥና መልካም አስተዳደር ዳይሬክቶሬት ዳይሬክተር አቶ ዳዊት ከበደ በበኩላቸው ድጋፍና ክትትሉ በቢሮው ስር ያሉ አደረጃጀቶች እስከ ትምህርት ቤት ድረስ ያሉበትን ደረጃ የሚያሳይ መሆኑን ጠቁመው በትምህርት ጽ/ቤቶች ያሉ የመልካም አስተዳደር ችግሮችን በመቅረፍ የአገልግሎት አሰጣጡን ማሻሻል የድጋፍና ክትትሉ ዋና አላማ  መሆኑን አብራርተዋል፡፡

በኦረንቴሽኑ ቼክሊስቱ ላይ ቢካተቱ የተባሉና የግልጽነት ጥያቄዎች ያሉባቸው ነጥቦች ተነስተው በተሳታፊዎች ውይይት ተደርጎባቸዋል፡፡

 

0 Comments

Submit a Comment

Your email address will not be published. Required fields are marked *

SITE VISITORS

  • 0
  • 70
  • 222
  • 1,624
  • 6,404
  • 214,665
  • 214,665