ዘንድሮ ለ18ኛ ጊዜ ብዝኃነትና እኩልነት ለሀገራዊ አንድነት በሚል መሪ ቃል የሚከበረውን የኢትዮጵያ ብሔሮች፣ብሔረሰቦችና ሕዝቦች ቀን ምክንያት በማድረግ በተማሪዎች መካከል የጥያቄና መልስ ውድድር ተካሄደ።

by | ዜና

(ህዳር 18 ቀን 2016 ዓ.ም) የዛሬው ውድድር ሀሙስ ለሚካሄደው ከተማ አቀፍ የማጠቃለያ ውድድር የሚያልፉ አምስት ከአማርኛ አምስት ከአፋን ኦሮሞ በድምሩ 10 ተማሪዎች የሚለዩበት የማጣሪያ ውድድር ሲሆን በውድድሩ ከየክፍለከተማው አሸናፊ ሆነው የቀረቡ 22 ተማሪዎች ተሳታፊ ሆነዋል።

የጥያቄና መልስ ውድድሩ ከትምህርት ቤት ጀምሮ እስከ ክፍለ ከተማ ድረስ ህገመንግስትና ፌደራሊዝም ስርአትን መሰረት ባደረጉ ጥያቄዎች በተካሄደ ውድድር አሸናፊ ሆነው በቀረቡ የ7ኛ እና 8ኛ ክፍል ተማሪዎች መካከል ሲሆን ተወዳዳሪዎቹ በአማርኛና አፋን ኦሮሞ ስርአተ ትምህርት ከሚያስተምሩ የመንግስትና የግል ትምህርት ቤቶች የተውጣጡ መሆናቸውን በአዲስ አበባ ትምህርት ቢሮ የስነምግባርና ፀረ ሙስና ዳይሬክቶሬት ዳይሬክተር አቶ አስራት ሽፈራው አስታውቀዋል።

የአዲስ አበባ ትምህርት ቢሮ የቢሮ የቢሮ ኃላፊ አማካሪ ወይዘሮ አበበች ነጋሽ በትምህርት ሴክተሩ 18ኛው የብሔሮች ብሔረሰቦችና ህዝቦች ቀን ከሚከበርባቸው መርሀግብሮች መካከል አንዱ በተማሪዎች መካከል የሚካሄድ የጥያቄና መልስ ውድድር መሆኑን ገልጸው ውድድሩ ተማሪዎች ከህገመንግስትም ሆነ የፌደራል ስርአት ጋር በተገና ኘ ያላቸው ግንዛቤ ምን ደረጃ ላይ እንደሚገኝ ለማወቅ የሚያስችል መሆኑንም አስገንዝበዋል።

በዛሬው የማጣሪያ የጥያቄና መልስ ውድድር ተማሪ ሀምሪያ ነስሪ፣ኤዶም መኮንን፣ ሚኪያስ ፍቃዱ፣ አሮን ሚፍታ፣ሱመያ አልዩ በአማርኛ ዘርፍ እንዲሁም ተማሪ ኪያ ፋፋ፣ግርማ ደጀኔ፣አብዲ ታምሩ ፣ፍራኦል ኢማና፣ኬና ወንድሙ በአፋን ኦሮሞ ዘርፍ የማጣሪያ ውድድሩን አሸንፈው ሀሙስ ለሚካሄደው ከተማ አቀፍ የፍጻሜ ውድድር አልፈዋል።

0 Comments

Submit a Comment

Your email address will not be published. Required fields are marked *

SITE VISITORS

  • 1
  • 36
  • 222
  • 1,590
  • 6,370
  • 214,631
  • 214,631