በ2ኛ ደረጃ ትምህርት ቤቶች የተዘረጉ የስኩል ኔት መሰረተ ልማቶችን በአዲስ መልክ ስራ ለማስጀመር የሚያስችል የመስክ ምልከታ (sight survey) በመካሄድ ላይ ነው።

by | ዜና

(ህዳር 19 ቀን 2016 ዓ.ም)  የስኩል ኔት ፕሮጀክቱ ከ10 አመት በፊት ተማሪዎች በቴክኖሎጂ የተደገፈ ትምህርት መማር እንዲችሉ ታስቦ በወቅቱ በነበሩ 74 ሁለተኛ ደረጃ ትምህርት ቤቶች የተዘረጋ ሲሆን መሰረተ ልማቱ ዳግም ተገቢውን አገልግሎት መስጠት እንዲችል  ኒው ዌቭ ሀይቲክ ሶሉሽን የተሰኘ ድርጅት ጨረታ በማሸነፍ ጥገናን ጨምሮ የጎደሉ እቃዎችን ለማሙዋላት ከከተማ አስተዳደሩ ጋር መፈራረሙ ይታውቃል።

የአዲስ አበባ ከተማ አስተዳደር ትምህርት ቢሮ የትምህርት ቴክኖሎጂና መረጃ ዳይሬክቶሬት ዳይሬክተር አቶ ደረጀ ዳኜ በትምህርት ተቋማቱ በመካሄድ ላይ የሚገኘው ምልከታ ዘ ኒው ዌቭ ሀይቴክ ሶሉሽን ከከተማ አስተዳደሩ ጋር በገባው ውል መሰረት በ74ቱ ትምህርት ቤቶች በመዘዋወር መሰረተ ልማቶቹ ያለበትን ደረጃ በመለየት ጥገና የሚፈልጉትን በመጠግንም ሆነ የጎደሉ እቃዎችን ለማሙዋላት ታስቦ በመካሄድ ላይ እንደሚገኝ ገልጸው በቀጣይ በስምምነቱ መሰረት ለ74ቱም ትምህርት ቤቶች ለያንዳንዳቸው 40 ኮምፒውተሮች ድጋፍ እንደሚደረግና የደህንነት ካሜራም እንደሚገጠምላቸው አስታውቀዋል።

በአዲስ አበባ ከተማ አስተዳደር የኢኖቬሽንና ቴክኖሎጂ ልማት ቢሮ የክላውድና ዳታ ማዕከል ዳይሬክተር አቶ የኔጌጥ በለጠ በበኩላቸው ፕሮጀክቱ በውሉ መሰረት መፈጸሙንም ሆነ ድርጅቱ ለአምስት አመት የሰጠው ዋስትና በአግባቡ ተግባራዊ መደረጉን ቢሯቸው ክትትል የሚያደርግ መሆኑን አስገንዝበዋል።

የመስክ ምልከታ ከአዲስ አበባ ትምህርት ቢሮ ፣ ከአዲ  አበባ ኢኖቬሽንና ቴክኖሎጂ ልማት ቢሮ እንዲሁም ኒው ዌቭ ሀይ ቴክ ሶሉሽን በመደባቸው የዘርፉ ባለሙያዎች በመካሄድ ላይ እንደሚገኝ የድርጅቱ ስራአስኪያጅ አቶ ሳሙኤል ሀብተወልድ ጠቁመው ምልከታው ከተጠናቀቀ በኋላ በስምምነቱ መሰረት የጥገናም ሆነ አዳዲስ እቃዎችን የማሙዋላት ስራ እንደሚሰራ ገልጸዋል።

0 Comments

Submit a Comment

Your email address will not be published. Required fields are marked *

SITE VISITORS

  • 2
  • 68
  • 222
  • 1,622
  • 6,402
  • 214,663
  • 214,663