በ2ኛ ደረጃ ትምህርት ቤቶች የተዘረጉ የስኩል ኔት መሰረተ ልማቶችን በአዲስ መልክ ስራ ለማስጀመር እንዲቻል በተቋማቱ የመስክ ምልከታ (site survey) ለሚያካሂዱ ባለሙያዎች የግንዛቤ ማስጨበጫ ስልጠና ተሰጠ፡፡

by | ዜና

(አዲስ አበባ ህዳር 25 ቀን 2016 ዓ.ም)  የስኩል ኔት ፕሮጀክቱ ከ10 አመት በፊት ተማሪዎች በቴክኖሎጂ የተደገፈ ትምህርት መማር እንዲችሉ ታስቦ በወቅቱ በነበሩ 74 ሁለተኛ ደረጃ ትምህርት ቤቶች የተዘረጋ ሲሆን መሰረተ ልማቱ ዳግም ተገቢውን አገልግሎት መስጠት እንዲችል ኒው ዌቭ ሀይቲክ ሶሉሽን የተሰኘ ድርጅት ጨረታ በማሸነፍ ጥገናን ጨምሮ የጎደሉ እቃዎችን ለማሙዋላት ከከተማ አስተዳደሩ ጋር ተፈራርሞ ወደ ስራ መግባቱ ይታወቃል።

የአዲስ አበባ ከተማ አስተዳደር ትምህርት ቢሮ የትምህርት ቴክኖሎጂና መረጃ ዳይሬክቶሬት ዳይሬክተር አቶ ደረጀ ዳኜ የግንዛቤ ማስጨበጫ ስልጠናው በክፍለከተማ ትምህርት ጽህፈት ቤት የሚገኙ የትምህርት ቴክኖሎጂ ቡድን መሪዎችና የአይ ሲቲ ባለሙያዎች  ስለ ስኩል ኔት ፕሮጀክቱ  በቂ ግንዛቤ ይዘው በቀጣይ ከቢሮ ጀምሮ በክፍለከተማና ትምህርትቤት በሚዋቀር ቡድን  ከኒው ዌቭ ሀይቴክ ሶሉሽን ባለሙያዎች ጋር በመሆን ወደትምህርት ቤቶቹ በመውረድ መሰረተ ልማቶቹ ያሉበትን ደረጃ ለይተው በሚያቀርቡት ሪፖርት መሰረት ጥገና የሚፈልጉትን በመጠግንም ሆነ የጎደሉ እቃዎችን ለማሙዋላት ታስቦ የተዘጋጀ መርሀ ግብር መሆኑን አስታውቀዋል፡፡

በአዲስ አበባ ከተማ አስተዳደር ትምህርት ቢሮ የኢንፎርሜሽን ኮሚኒኬሽን ቴክኖሎጂ ቡድን መሪ አቶ ታዬ ወልደ ኪዳን  የስኩል ኔት ፕሮጀክቱ ከተጀመረ አንስቶ የተከናወኑ ተግባራትን ጨምሮ አስፈላጊነቱን እና በፕሮጀክቱ ውስጥ ስለሚገኙ እቃዎች በዝርዝር ግንዛቤ ማስጨበጫ ስልጠና የሰጡ ሲሆን  ባለሙያዎቹ በቀጣይ ወደሚመደቡባቸው ትምህርት ቤቶች በሚሄዱበት ወቅት የተበላሹ እቃዎችንም ሆነ በተለያዩ ምክንያቶች የጎደሉ እቃዎችን ዝርዝር ሪፖርት በአግባቡ በማቅረብ ጨረታውን ያሸነፈው ድርጅት በውሉ መሰረት መሰረተ ልማቱን ዳግም ስራ እንዲያስጀምር የበኩላቸውን ኃላፊነት መወጣት እንደሚጠበቅባቸው አስገንዝበዋል።

 

0 Comments

Submit a Comment

Your email address will not be published. Required fields are marked *

SITE VISITORS

  • 0
  • 27
  • 222
  • 1,581
  • 6,361
  • 214,622
  • 214,622