በየካ ክፍለ ከተማ በሚገኙ ት/ቤቶች ላይ የመስክ ምልከታ ተደረገ።

by | ዜና

(አዲስ አበባ ህዳር 26/2016 ዓ.ም )  የአዲስ አበባ ከተማ አስተዳደር ትምህርት ቢሮ ሀላፊ ዶ/ር ዘላላም ሙላቱ ፣ የቢሮ ማኔጅመንት አባላት ፣ የየካ ክ/ ከተማ ዋና ስራ አስፈፃሚ አቶ ብርሀኑ ረታ ፣ የየካ ክ/ከተማ የዲሞክራሲ ስርዓት ግንባታ ማስተባበሪያ ፅ/ቤት ሃላፊ አቶ መገርሳ ገላናን ጨምሮ የየካ ክ/ከተማ  አመራሮች   መምህራን እና የሚመለከታቸው ባለድርሻ አካላት በተገኙበት የመስክ ምልከታው ተካሂዳል፡፡

በየካ ክ/ከተማ አስተዳደር በሚገኙ ት/ቤቶች ” ትምህር ለትውልድ!” በሚል መሪ ቃል የተጀመረውን የትምህርት ተቋማት ስታንዳርድ የማሳደግ ስራን ከዳር ለማድረስ እንዲቻል የማስፉፊያ ስራ እንዲደረግባቸው በየካ ክ/ከተማ በተመረጡ የትምህርት ተቋማት ያሉበት አሁናዊ ይዘትን ተዟዙረው ምልከታ አድርገዋል፡፡

የት/ቤቶችን ደረጃ ለማስጠበቅ የተጀመሩ ስራዎች እንዲሳኩ ሁሉም የድርሻቸውን እንዲወጡ ዶ/ር  ዘላለም ሙላት ጥሪ ያቀረቡ ሲሆን  ትምህርት ቤቶች የትውልድ አውቀት  መገንብያና በአእምሮ የዳበሩ ብቁ አገር ተረካቢ ዜጋ ማፍሪያ ማእከላት እንደመሆናቸው ጥራት ያለው የመማር ማስተማር ስርአት እውን ለማድረግ በሚደረገው ጥረት ትምህርት ቤቶቻችን ደረጃቸውን የጠበቁ እንዲሆኑ ለማድረግ የጎላ አስተዋጽኦ እንዳለው አመልክተዋል ።

የት/ቤቶቹን  እድሳት በአጭር ጊዜ በማጠናቀቅና የጎደሉትን መሰረታዊ ግብዓቶች በሟሟላት  የትምህርት ጥራትን ለማሻሻልና ለተማሪዎች ምቹ የመማር ማስተማር ሁኔታ እንዲፈጠር ማድረግ  እንደሚገባ ሀላፊው ጨምረው ገልፀዋል፡፡

0 Comments

Submit a Comment

Your email address will not be published. Required fields are marked *

SITE VISITORS

  • 0
  • 27
  • 222
  • 1,581
  • 6,361
  • 214,622
  • 214,622